Iki gikorwa kitari gishya mumatwi yabenshi, ni igikorwa kigendereye gukuraho igice cyangwa uruhu rwose rutwikiriye umutwe w’igitsina cy’umugabo. Gusiramura bikaba bifatwa nk’igikorwa cyo kwamuganga cyo kubaga kimaze imyaka myinshi kurenza ibindi kwisi ndetse abarenga 30% by’abagabo bo kwisi barengeje imyaka 15 ubu bakaba basiramuye.

Iyo urebye neza, usanga  iki gikorwa gishobora gushingira kumpamvu zingenzi zikurukira:

1. Impamvu z’imyizerere: Mubijyanye n’iyobokamana, gusiramura biboneka mumuco w’abayahudi aho basilamura abana nyuma y’iminsi mike bavutse ndetse n’abayisilamu babikorera abana bafite hagati y’imyaka 3 n’imyaka 8.

2.Impamvu z’umuco n’isuku: Gusilamura byakomeje kujya bikoreshwa n’ababyeyi bomubihugu bitandukanye birimo Leta z’unze ubumwe za Amerika, Canada, Ubwongereza, Austraria ndetse no muri Koreya y’epfo n’ahandi hanyuranye  nk’igikorwa cyo gusukura abana babo.

3. Impamvu z’ubuvuzi:Igikorwa cyo gusilamura gishobora kwitabazwa n’abaganga kumuntu wavukanye igitsina gifite uruhu rutwikiriye umutwe wacyo ariko rukaba rufunze cyane kuburyo umutwe w’igitsina utabasha gusohoka neza by’umwihariko igihe nyiracyo agize ubushake bw’imibonano mpuzabitsina. Ibi bikaba byamutera indwara zinyuranye mugitsina.

Hashingiwe kubushakashatsi bugera kuri bune bwakorewe mubihugu by’ubufaransa, Leta zunze ubumwe za Amarika ndetse n’ibindi bihugu binyuranye bya Afurika, bwashyize ahagaragara inyungu ndetse n’ibibazo bishobora guterwa no kwisiramuza bikaba birimo ibi bikurikira:

1. Kuba gusilamura bishobora kurinda abagabo indwara zandurira mumibonano mpuza bitsina nibura kugeza kukigero cya 60%.

2. Nubwo kwisiramuza bitabuza kwandura indwara ya SIDA, ariko bigabanya ibyago byo kuba wayandura.

3. Gusiramuza umwana ukiri muto, bimugabanyiriza ibyago byo kugira infection za hato na hato zomurwungano rw’inkari

4. Kwisiramuza bigabanya ikibazo cyo kurangiza vuba mugihe cy’imibonano mpuzabitsina.

Mungaruka z’iki gikorwa hakaba harimo:

1. Kuba rimwe narimwe  byakorwa nabi kumwana agatakaza amaraso menshi cyangwa agakurana ubwoba kubera ububabare yagize.

2. Kuba umubiri wumwana utabasha kugenzura neza inkari ze kubera rwaruhu rwakuwe kumuwe w’igitsina cye cyane cyane muminsi yambere yogusiramurwa.

3. Kuba bishobora kugabanya uburyohe mugihe cy’imibonano mpuzabitsina ndetse nomukwikinisha (nubwo atari umuco mwiza)  nkuko abagabo bamwe babivuga, bitewe nuko ibibyishimo ubundi bitangwa nokwikubanaho kw’urwo ruhu n’umutwe w’igitsina.

4.Kugabanuka gukabije kw’ubuhehere bw’igitsina mugihe cy’imibonano mpuzabitsina, ibi bikaba bishobora kubangamira umugabo ubwe cyangwa uwo barikumwe.

Murwego rwo gukomeza korohereza abanyarwanda kubona serivise zibanze hanubahirizwa gahunda ya guma murugo, Polisi y’igihugu yashyizeho uburyo butandukanye bwo gusaba uruhushya murwego rwokwirinda ingendo zidateganijwe.

Nkuko umuvugizi wa Polisi y’igihugu  CP JB KABERA yabitangaje, uru ruhushya ruzajya ruhabwa abagiye guhaha, kwa muganga,Farumasi, kuri Banki, Gushyingura ndetse n’izindi gahunda zangombwa.

Yakomeje atangazako ububuryo butaje gukuraho aba polisi basanzwe mumuhanda ko ahubwo bazajya bakurikirana ishyirwa mubikorwa ry’ubu buryo.

Reba uko basaba urwo ruhushya:

1. Injira kurubuga ” mc.gov.rw” cyangwa se ukande  *127# kuri telefone yawe.

2. Andika umwirondoro wawe, nimero y’irangamuntu na nimero ya telefone yawe.

3. Injizamo ibikubiye murugendo rwawe werekane aho uva n’aho ujya

4. Impamvu y’urugendo rwawe n’ibirango by’ikinyabiziga cyawe (purake)

5. Injizamo italiki, igihe ugendeye n’igihe ugarukira

6. Ohereza maze utegereze igisubizo.

Nyuma, uzakira ubutumwa bugufi bwoherejwe na polisi bukwemererera cyangwa buguhakanira .

Usabwe kwerekana ubwo butumwa bugufi  igihe uhagaritswe na polisi.

Kubindi bisobanuro, wahamagara kuri  0788311107

Muri ikigihe isi yose ikomeje urugamba rwo guhangana n’icyorezo covid-19, uburyo butandukanye burimo kugeragezwa ngo harebwe uko ubuzima buri mukaga burengerwa. Aha hakaba harimo gukora no kugerageza inkingo, imiti, ibikoresho bitandukanye ndetse nogushyira mubikorwa ingamba zo kwirinda ikwirakwira ry’iki cyorezo.

Birashobokako wumvuse iby’imashini iherutse gukorwa murwanda, ifasha umurwayi guhumeka kandi ishobora kwitabazwa ndetse no mukuvura abanduye COVID-19.

Iyi mashini se yaba yitwa ite kandi ikora ite?

Iyi mashini izwi ku izina ry’icyongereza ” patient  ventilator/ ventilator” ni imashini yo kwamuganga ibarirwa mugice cyitwa life support equipment  cyangwa imashini zunganira abarwayi mugihe imikorere y’umubiri itameze neza muburyo bumwe cyangwa ubundi.

Byumwihariko, iyi mashini ikaba yifashishwa mukugeza umwuka mwiza ndetse nogusohora umwuka mubi mubihaha by’umurwayi utagishoboye kwihumekesha cyangwa se uhumeka bigoranye, ibi bikaba bikorwa hifashishijwe udutembo/tube twabugenewe twinjizwa munzira z’ubuhumekero z’umurwayi.

Nubwo kwamuganga bagira uburyo butandukanye bwogufasha uyu murwayi guhumeka, iyi mashini ni ntagereranywa kubera ubuhanga buhambaye ikoresha kuburyo ibasha kugenzura ingano y’umwuka umurwayi ahabwa, imbaraga zawo, ubushyuhe bwawo, ubuziranenge bwawo n’ibindi byinshi bituma umutekano w’umurwayi ubarirwa kukigero cyohejuru.

Nubwo izi mashini zikunze gukoreshwa munzu z’indembe, byagaragayeko ari ingenzi cyane mukwita kubarwayi ba Covid 19 bitewe n’imiterere y’iyi ndwara ifata kandi ikangiza imyanya igize inzira z’ubuhumekero zirimo n’ibihaha, kuburyo umurwayi aba atagishoboye kwihumekesha ubwe.

Nigute se iyi mashini ifasha umurwayi wa Covid 19?

Nubwo umuryango mpuzamahanga wita kubuzima  WHO uvugako abagera kuri 80% by’abakira Covid 19 bakira badakeneye ubuvuzi buhambaye, ariko unavugako hari bakeya bazahazwa n’iyi ndwara kuburyo ibihaha n’imyanya y’ubuhumekero muri rusange bidakora neza bikaba ngombwa ko bafashwa guhumeka ndetse bakongererwa n’umwuka (oxygen) hifashishijwe izi mashini kugirango umubiri ubone uko ukomeza guhangana na Covid 19.

Nubwo izi  mashini zisanzwe ziri mubitaro bitandukanye, kuba zakorerwa murwanda byakongera icyizere cyokuba hafashwa abarwayi benshi icyarimwe by’umwihariko muri iki gihe cy’icyorezo Covid 19 doreko iziva hanze usanga zinahenze cyane.

Mugihe iyi mashini yaba ishyizwe ku isoko, yaba ibaye iyambere yomuri iki cyiciro ikozwe muri gahunda ya made in Rwanda.

Mugihe abatari bakeya bakomeje gukwirakwiza ibihuha ndetse nokugaragaza imyumvire mike kucyorezo Covid-19 gikomeje gutwara ubuzima bwa benshi bavugako ari indwara y’abakuze gusa, mugihugu cy’Ububiligi umwana w’ukwezi kumwe yagaragaweho n’iki cyorezo.

Nkuko ababyeyi be Pascal na Shirley babitangaje, Zoe Budo wavutse kuwa 15 Werurwe 2020, yasanzwe mo iyi ndwara, ubu uyu muryango ukaba washyizwe mukato ngo ukomeze ukurikiranwe n’abaganga .

Nkuko byatangajwe na 7sur7 ikinyamakuru kimwe mubyandikirwa muri iki gihugu, ababyeyi b’uyu mwana baravuga uko byagenze.

Uyu muganga kandi yanavuzeko adashidikanyako Zoe abaye umwana mutoya kurusha abandi ufashwe n’icyorezo Covid 19 by’umwihariko mugihugu cy’ububiligi. Akaba  avuga ibi agendeye kubafatiwe ibizamini bose.

Indi nkuru wasoma

Covid-19 (11/04/2020: Amakosa 6 Polisi y’u Rwanda itazihanganira

Ibi nibimwe muby’ umuvugizi wa Polisi y’u Rwanda CP JB KABERA yamenyesheje abanyarwanda abicishije mukiganiro yagiranye na Televiziyo y’u Rwanda kuri uyu wa gatandatu, taliki ya 11 Mata 2020.

Umuvugizi wa polisi yavuzeko itazihanganira abantu badashaka gushyira mubikorwa ingamba Leta yashyizeho zokwirinda ikwirakwira ry’icyorezo Covid-19 zirimo no kuguma murugo, hirindwa ingendo zitari ngombwa, ahubwo ugasanga hari abakigwa mumakosa ashobora gushyira ubuzima bwabo ndetse n’ubw’abandi mukaga.

Amakosa yatanzeho urugero yarimo aya akurikira:

1. Kubeshya inzego

Umuvugizi wa polisi yavuzeko hagenda hagaragara ababeshya polisi ko bagiye mumpamvu zihutirwa nyamara ugasanga babeshya ahubwo bafite izindi gahunda zabo bwite bigiriyemo.

Aha yatanze urugero rw’umwe mubayobozi b’idini  (Bishop) rikorera mu Rwanda uherutse gufatwa abeshya polisi ko agiye gutanga ikiganiro kuri Radio nyamara bikaza kugaragara ko atariho yari agiye; abitwaza ibiribwa mumodoka zabo ngo babyerekane babeshya ko bavuye guhaha n’ibindi.

2. Abakoresha nabi icyangobwa cy’inzira (pass)

Uyu muvugizi yakomeje anagaragaza ko hari n’abakoresha nabi urupapuro rw’inzira ruhabwa ufite impamvu yihutirwa imusaba kuva murugo cyangwa se bakarutizanya n’ibindi. Akaba yibukije ko na byo ari ikosa.

3. Gusengera hamwe.

Nyuma yogufunga insengero murwego rwokwirinda guhurira hamwe kw’abantu benshi, abasenga basabwe gusengera nungo zabo. Nyamara umuvugizi wa polisi yagaragajeko hari abakigerageza guteranira hamwe kandi bitemewe aho yatanze urugero rw’abantu bagera kuri 60 baherutse gutabwa muriyombi barimo gusengera hamwe.

4. Guteranyiriza abantu benshi hamwe

Uretse abaturage bashobora gukora amakisa yo guteranira hamwe kumpamvu zitandukanye zirimo Ubukwe, gusenga n’ibindi, uyu muyobozi yaburiye inzego zitandukanye  zirimo abanyamakuru  abibutsako ntawe ufite uburenganzira bwo guhuriza abantu hamwe. Akaba yatanze urugero rw’abanyamakuru 2 baherutse gutabwa muri yombi bazira guteranyiriza hamwe abantu murwego rwogushaka amakuru.

5.Gusurana/ Kugenderanira

Muri iki kiganiro kandi, umuvugizi wa polisi y’u Rwanda yibukijeko itazihanganira abarenga kumabwiriza ya Leta yo kuguma murugo ahubwo bagasurana mungo zabo, aho yatanze urugero rw’abanyamakuru batumiwe na mugenzi wabo iwe murugo, bakarara banywa inzoga kugeza mugitondo ndetse bakaza gufafwa banatwaye ibinyabiziga banasinze.

 6. Gufungura utubari  nokuywa inzoga muruhame

Mugihe kandi amabwiriza ya guma atemerako utubari n’amahoteli bifungura, umuvugizi wa polisi y’u Rwanda  yavuzeko nubwo kunywa inzoga bitabujijwe, ko ariko yihanangirije abakomeje kuyacaho bakigira mutubari n’amahoteli kunywa inzoga. Aha akaba yavuzeko hari abaherutse gutabwa muriyombi bibereye muri hotel  banywa inzoga.

Muri iki kuganiro kandi cyari cyatumiwemo Minisitiri w’ubutabera Nyakubahwa Johnson BUSINGE, akaba yarashimangiyeko abarenga kumabwiriza yashyizweho bazabihanirwa kimwe n’abanga kwigaragaza ngo bapimwe icyorezo Covid-19 nyamara bafite aho bahuriye n’abayirwaye cyangwase baherutse kugirira ingendo hanze.

Akaba yaravuzeko nubwo ntategeko ryanditse riteganya Covid-19 ariko ko hariho amategeko ahana abashaka kuvutsa abandi ubuzima ndetse nokubushyira mukaga.

Minisitiri w’ubuzima nawe wari muri iki kiganiro yabwiye abanyarwanda ko hagiye gusezererwa abandi barwayi 11 bakize Covid-19 ariko akomeza gushishikariza abanyarwanda kudatezuka kungamba zokwirinda zirimo na guma murugo.

Nkuko tubikesha itangazo ryashyizwe ahagaragara na Minisiteri y’ubuzima mu Rwanda, kuri uyu wakane  taliki ya 09/04/2020, abandi bantu 3 basanzwe mo indwara Covid-19 mubantu 720 bapimwe masaha 24 ashize bityo abarwayi bose bakaba babaye 113 harimo 7 banaze gukira.

Soma neze itangazo hano hasi

Nkahandi hose ku isi, kuguma murugo ni intwaro ikome irimo gukoreshwa no mugihugu cy’ubwongereza muguhangana n’ikwirakwira ry’icyorezo coronavirus.

Nkuko byatangajwe na kimwe mubinyamakuru byandikirwa muri iki gihugu, umwangavu w’imyaka 19 witwaga Emely Owen yitabye Imana  taliki ya 18 Werurwe 2020 mubitaro nyuma yokugerageza kwiyahura kubera gutinya kuzafungirwa murugo murwego rwo kwirinda coronavirus.

Nkuko icyo kinyamakuru kibivuga, ngo Emely yaba yaramaze iminsi mikeya abwiye umuryango we ko abona ko muri ikigihe kitoroshye abantu benshi bazapfa bazize  kwiyahura kurenza abazicwa na coronavirus ubwayo.

Umuvandimwe wa Emely  witwa Annabel Owen, yavuzeko mbere yuko Emely yiyahura, yakundaga gukurikirana ibya coronavirus, ariko agahora ahangayikishijwe cyane n’ingaruka zizaterwa no gukingiranira abantu ahantu hamwe cyane cyane  kubuzima  bwabo bwo mumutwe.

Uwo muvandimwe yakomeje agira ati << Twese  dufite umubabaro ukomeye ariko tunatewe ishema n’ibyo yaramaze kugeraho. Abantu benshi baduhaye ubutumwa batubwira ibyiza Emely yabafashije kugeraho mugihe bari mubihe  bigoye nubwo twebwe ntacyo twari tubiziho.

Yakomeje  avugako kuri benshi Emely yari umukobwa ushimishije, uhora yishimye kandi wintwari.>>

Mubuhamya bwatanzwe kandi harimo ubw’umukoresha we  (Urunywero rwitwa The Kings Arm Pub rubarizwa mugace kitwa Shouldham muri Norfol) nawe wavuzeko babuze umukozi mwiza kandiko  bazamukumbura.

Nkuko iki kinyamakuru gikomeza kibivuga, ururupfu rwaje rukurikira izindi mfu 4 zirimo abaforomo 2 biyahuye mugihugu cy’ubutaliyani kubera ihungabana bakuye mumirimo yokwita kubarwayi ba coronavirus; umugabo w’umuhinde wiyahuye amaze kumenyako yanduye ariko adashaka kwanduza umuryango we ndetse n’undi muforomo wo mumugi wa Landon nubwo ntabimenyetso bifatika byerekanako urupfu rwe rufite aho ruhuriye na coronavirus.

Izindi nkuru bijyanye

1. Dore ibyibanze wafashisha uwagaragaje ibimenyetso byo gushaka kwiyahura.

2. Kwiyahura kwabaye kwinshi: Ibimenyetso bikomeye by’umuntu ushobora kwiyagura

Ibingibi umukuru w’igihugu yabisabye abanyarwanda mu ijambo ry’ihumure yabagejejeho  kumugoroba wo kuwa gatanu taliki ya 27 Werurwe 2020 ubwo yabwiraga abanyarwanda uko iki cyorezo gihagaze by’umwihariko mu Rwanda.

Umukuru w’igihugu abicishije  kuri Televiziyo y’igihugu, yabanje gushimira abanyarwanda bose uburyo bakomeje gushyira mubikorwa ingamba Leta yashyizeho zokwirinda icyorezo cya Covid-19, ndetse anashimira inzego z’ubuvuzi kubwitange zirimo gukorana mukuvura abanduye ndetse no gukomeza gupima ubwandu bushyashya.

Nyakubahwa perezida wa Repuburika yibukije ko ubu  u Rwanda rumaze kugira abagera kuri 54 bamaze kugaragarwaho n’ icyorezo Covid-19 icyakora avugako uyumubare ushobora gukomeza kwiyongera bitewe nuko hakomeje gushakishwa ababa baragize ahobahurira n’abanduye iyi ndwara ngo abo yabonekaho nabo bitabweho.

Umukuru w’igihugu kandi yakomoje ku ihagarikwa ry’ingendo zomukirere ndetse n’izimbere mugihugu nka zimwe mungamba zikomeye zafashwe mugukumira ubwiyongere bw’icyorezo covid-19, ariko akomeza anibutsa abanyarwanda bose gukomeza kubahiriza n’izindi ngamba zashyizweho zirimo kuguma murugo nokwirinda ingendo zitari ngombwa, gusiga umwanya ungana nibura na metero hagati y’umuntu n’undi, gukaraba intoki kenshi ukoresheje amazi meza n’isabune ndetse nokumenyesha inzego z’ibanze igihe ubonye ukekwaho iyi ndwara.

Umukuru w’igihugu yakomeje asaba abanyarwanda kwihanganira ingaruka z’icyorezo Covid-19 anabahumurizako Leta izakomeza gukora uko ishoboye igatanga ubufasha kubikorera ndetse nokubonera inkunga abatishoboye.

Nyakubahwa Perezida wa Repubulika yasoje ijambo rye ashimira abafatanya bikorwa murugamba rwoguhangana na Covid-19 barimo Umuryango mpuzamahanga wita kubuzima OMS /WHO ndetse n’umuherwe JAck Ma kunkunga y’ibitekerezo ndetse n’ibikoresho bahaye igihugu cy’u Rwanda. Yanongeye gushima inzego z’ubuvuzi zikuriwe na  Minisiteri y’ubuzima ndetse n’izindi nzego zikuriwe na Minisitiri w’intebe, kubufatanye bakomeje kugaragaza muguhangana n’iki cyorezo.

Nyakubahwa Perezida wa Repuburika yanibukije abanyarwanda bose ko umusanzu waburi muntu ukenewe  murugamba rwokurwanya  icyorezo Covid-19 ndetse asoza ijambo rye yifuriza abanyarwanda bose amahoro y’Imana.

Nkuko byatangajwe na Minisiteri y’ubuzima, mu itangazo ryashyizwe ahagaragara kuri uyu wakane taliki ya 26/03/2020, abantu 50 nibo bamaze kugaragarwaho n’icyorezo covid-19.

Nkuko iri tangazo rikomeza ribisobanura, uyumubare wuzujwe n’abarwayi  bashyashya 9 baje biyongera kubarwayi bari basanzwe bakurikiranirwa hafi n’abaganga mu Rwanda.

Batanu (5) muri aba barwayi bashya bakaba baraje baturutse i Dubai, umwe avuye muri Leta zunze ubumwe z’America, umwe mubu Holandi ndetse n’abandi 2 batahuwe ko bahuye n’abanduye iyi ndwara mu Rwanda.

Nkuko iritangazo rikomeza ribivuga, Aba barwayi bose bakomeje gukurikiranirwa n’abaganga ahantu habugenewe kandi ko kugeza ubu ntawe urembye muribo.

Nubwo bimeze bityo, iyi Minisiteri ikaba ikomeza gukangurira abaturage bose gukomeza kwitwararika bashyira mubikorwa ingamba zose Leta yashyizeho zoguhangana n’icyirezo COVID-19.

Mugihe iyi ndwara ikomeje kuvugwaho byinshi bitandukanye ndetse byinshi ugasanga bitari ukuri bikaba binashobora kubangamira urugamba rwo kuyirwanya, ni ngombwa ko ukomeza kuzirikana ibi bibikurikira:

1. Coronavirus ni imwe mumavirusi ashobora gutera ibibazo byinshi icyarimwe nk’ibicurane, indwara mumyanya y’ubuhumekero n’izindi.

2.  Nubwo Covid-19 ishobora kugira ibimenyetso byinshi, ibiza ku ikubitiro ni umuriro, ibicurane/inkorora no kudahumeka neza.

3. Itsinda ry’ abaganga b’abafaransa rivugako nubwo ntawe itinya, iyindwara yibasira abanyantege nkeya kurenza abandi bantu. Twavuga abarwayi ba diabete, abagira ibibazo by’umutima, umuvudiko  udasanzwe w’amaraso , abarwayi b’impyiko n’abandi nkabo.

4. Iyindwara ntirabonerwa umuti cyangwa urukingo. Uretse uburyo bwokuvura ibimenyetso by’iyindwara arinabwo bwonyine burimo gukoreshwa, nibyiza gufata amazi ahagaije nokuruhuka  bihagije.

5. Iyi ndwara yandurira mukwegerana cyane (munsi ya metro) n’uyirwaye,

6. Iyi virus ntabwo iterwa n’amatungo yomurugo n’ubwo hari abashakashatsi  bavugako iyindwara yagiye igira ubukana muduce turimo abantu babana munzu n’amatungo yabo.

7. Kwisuzuma biroroshye

Ushobora kwisuzuma iyi ndwara ukoresheje kwirebaho ibimenyetso (umuriro, ibicurane, kudahumeka neza n’ibindi) cyane cyane muminsi 14 ikurikira umunsi ukeka wahuriyeho n’uyirwaye.

8. Hashyizweho imirongo y’ubutabazi

Mugihe wibonyeho ibimenyetso cyangwa ukabibona kuwo murikumwe, ni inshingano zawe guhamagara service z’ubuzima kuri numero itishyurwa  ya 114 cyangwa se ukohereza ubutumwa bwa WhatsApp kuri numero +250788202080 ndetse ukaba wanakoresha email: callcenter@rbc.gov.rw

9. Kuguma murugo ni intwaro ikomeye yogukumira ubwandu bw’iki cyorezo

Indi nkuru bijyanye:

1. Guma murugo: Ibimenyetso 10 ugomba guhora wigenzuraho kowanduye covid-19.

Bakunzi bacu, mugihe isi ikomeje guhungabanywa n’icyorezo Covid-19 ndetse n’ibihugu bikaba bikomeje gushyiraho ingamba zinyuranye zogukumira iyindwara, zirimo no kuguma mungo zabo, twifashishije inyandiko z’itsinda ry’abaganga bo mugihugu cy’Ubufaransa twabateguriye ibimenyetso 10 ushobora kujya wigenzuraho ndetse ukanabigenzura kubawe nibura buri gitondo kugirango umenye vuba niba wanduye iki cyorezo.

1.Inkorora

Nubwo kurwara inkorora ushobora kubibona nk’ibisanzwe, nyamara niwibonaho inkorora idacika ndetse ukagira n’umuriro, ihutire kumenyesha inzego z’ubuzima kugirango zigusuzume icyorezo  cya Covid-19.

2. Umuriro

Ubusanzwe kugira umuriro ntibisobanuye kuba wanduye icyorezo cya Covid-19 ariko igihe ugize hejuru ya degere 38, ugakorora, ukaribwa umutwe, ukiyumvamo umunaniro uvanze nogucika intege, uzihutire guhamagara service z’ubuzima zigukorere ibizamini.

3. Kuribwa umutwe

Nibura umurwayi umwe kubarwayi 5 ba covid-19 bababara umutwe yaba kuburyo bworoheje cyangwa bukabije ndetse akenshi bakanazungera (isereri). Iyo ufashe paracetamol ukabona ububabare ntibugabanuka cyangwa se bigakurikirwa n’ibindi bimenyetso, nibyiza kwihutira kujya kwamuganga cyangwa ugahanagara inzego z’ubuzima bakagukorera ibizamini. Sibyiza gufata umuti uzwi nka ibuprofene kuko yongera ibibazo.

4. Amavunane

Ubundi iki kimenyetso gisanzwe kigaragara kubicurane bisanzwe ariko coronavirus nayo ishobora gutuma ubabara mungingo no mumitsi ukumva wacitse intege, unaniwe kuburyo wumva ushaka gusa kwiruhukira.

Niwiyumvaho iki kimenyetso, ntukitiranye n’umunaniro usanzwe  ahubwo uzatekereze kuri covid-19 cyane cyane iyo wumva utazi iyo byaturutse.

5. Umunaniro ukabije

Uwafashwe na Covid-19, ntabwo yumva amavunane gusa ahubwo bishobora nukugeza kurwego rw’umunaniro ukabije kandi uherekejwe na bimwe cyangwa byose mubimenyetso twavuze haruguru bitewe n’imiterere isanzwe y’umurwayi.

6. Guhumeka nabi

Nkuko tubikesha amatsinda atandukanye  y’abaganga ,Umwe mubarwayi batanu ba covid-19 agira ikibazo cyoguhumeka nabi nokubura umwuka. Niba muburyo butunguranye ugize ikibazo cyo kudahumeka neza ndetse kigakurikirwa n’ibindi bimenyetso, nibyiza gutekereza vuba kuri covid-19 ukitabaza inzego z’ubuzima ngo ukorerwe ibizamini.

7.Kubabara mugatuza

Ububabare bwo mugatuza kandi ntayindi mpamvu ukeka yabiguteye ndetse no huhera umwuka kwa hato nahato nikimwe mubimenyetso bya covid-19. Ihutire kwipimisha igihe ubyibonyeho cyangwa ubibonye kuwawe.

8. Uburwayi bwo mumyanya y’ubuhumekero

Iyo ugifatwa n’iyi ndwara ushobora kurwara ibicurane, nyamara uko indwara ikara ishobora kuguteza ibindi bibazo bikomeye mumyanya y’ubuhumekero  Kuburyo bisaba guca mucyuma (radio) ndetse bikaba byarangira bakongereye umwuka (oxygen) kugirango ubashe guhumeka neza.

9. Ibibazo by’impyiko

Birashoboka ko Covid-19 yagera kurwego inafata impyiko kuburyo zitabasha gukora akazi kazo neza karimo nokuyungurura amaraso.

10.Kurwarira rimwe ingingo zinyuranye

Indwara ya Covid-19 ishobora gutera kwangirika kwihuse kw ‘ingingo nyinshi z’umubiri icyarimwe, kuburyo utabonye ubufasha bw’abaganga bwihuse ushobora guhita witaba Imana.

Ha agaciro rero kumenyesha inzego z’ubuzima ikibazo cyose ugize cyane cyane muri ibibihe abantu bagirwa inama yo kuguma murugo.

Izindi nkuru kuri  COVID-19

1. Coronavirus: Ubuhamya bubabaje bw’umuryango uri mukato kubera Coronavirus

2. Yafunguye akabari bibujijwe acibwa amande agera kumayero 4 000

3. Uretse Coronavirus, reba ibindi byorezo 20 byigeze kuyogoza isi

Muri ibibihe bitoroheye abatuye isi bose kubera icyorezo cya coronavirus, aho abanduye bibagora kwiyakira ndetse abandi bakihisha ngo badashyirwa mukato kubera ubwoba ndetse n’imyumvire idashyitse,  muri iyinkuru turabagezaho ubuhamya bw’umuryango umwe uba mukato kubera kwandura iki cyorezo mugihugu cy’ Ubufaransa nkuko babusangije ikinyamakuru aufemin.com cyandikirwa muri iki gihugu.

Uyu ni umuryango wa Varelie ndetse n’umugabowe Daniel, bose bakaba baramaze kwandura icyorezo COVID-19, bakaba baremeye gusangiza isiyose ubuzima bwaburi munsi babayemo nyuma yokwishyira mukato murugo rwabo.

Mu ijwi rinaniwe kandi ryuzuye agahinda, Valeriya w’imyaka 59 yasobanuriye umunyamakuru w’icyo kinyamakuru uko abayeho we n’umugabowe Daniel w’imyaka 66 mukato barimo murugo rwabo ruri mugace ka Rhône-Alpes mugihugu cy’Ubufaransa nkuko biri mukiganiro gikurikira:

Mbese mwaba mwarafashwe ryari?

Murwego rwogukomeza guhangana ndetse nogukumira icyorezo cya coronavirus, mugihugu cy’Ububiligi naho hafashwe ingamba zikakaye zirimo nogufunga utubari.

Nkuko byatangajwe nabimwe mubinyamakuru bikorera muri ikigihugu, abayobozi  b’inzego zibanze ndetse na police yo mugace kitwa Tirlemont baciye akabari gakorera muri ako gace amande agera  kuma yero (Euros) 4 000 bakaziza kurenga kumabwiriza yokudafungura nyamara ko kakabyirengagiza ndetse kakemerera abantu kuhakorera ibirori.

Umuyobozi w’aka karere akaba yarabitangaje  muri aya magambo “Ntitwabikoze kuko bidushimishije ahubwo kuko aringombwa” ibi akaba yabivuze nyuma y’ubugenzuzi bwakorewe muri ako kabari kaciwe amande.

Ibi byose byabaye nyuma yuko Police yomuri akogace imenyeshejwe ko aka kabari kongeye gukora, hanyuma ijya kwirebera isanga koko uhagarariye ako kabari arikumwe n’abakiriya . Nyuma yoguhatwa ibibazo, aka kabari kahise gacibwa amayero agera kubihumbi bine y’amande ndetse n’igifungo cy’ameze agera kuri atatu.

Umuyobozi w’ako karere akaba yakomeje avugako batazihanganira ibikorwa nkibi kuko bishyira mukaga ubuzima bw’abaturage, ndetse arushaho nogukangurira buri muturage gukomeza kwirinda.

Yabivuze muri ayamagambo ” Twarababuriye bihagije, abateguye, abitabiriye ndetse n’abakiriye ibi birori mugomba gutanga amande angana n’ibihumbi 4 by’amayero ndetse n’igifungo cy’amezi 3; Ati << ibi bibere n’ abandi isomo ko tutazihanganira abica amategeko, ahubwo ibihano biteganywa n’amategeko bizakurikizwa>>

Nkuko ibyo binyamakuru bikomeza bibivuga, ubu abashinzwe umutekano bakaba bakomeje gucungira hafi ako gace ngobakumire nundi ushobora kutubahiriza ingamba zashyizweho zokwirinda icyorezo cya coronavirus.

Tubibutseko ubu nomugihugu cyacu amasaha yashyizweho y’utubari ari ukugeza satatu z’umugoroba kubatuye mumigi ndetse na samoya kubatuye mucyaro.

Ushobora kuba utarigeze umenye ibijyanye n’ibyorezo bindi byanyeganyeje isi, bikica abatari bakeya, bigakubita hasi ubukungu bw’isi ndetse bigatuma benshi batekerezako isi yaba igeze kumusozo!

Muri iyi nkuru, twaguteguriye 20 muri ibyo byorezo ndetse n’igihe byabereyeho:

1. CIRCA

Iki ni icyorezo cyabayeho mumyaka 3 000 mbere ya Yesu ubu kikaba kimaze imyaka hafi 5 000 cyanditse amateka. Nkuko bigaragazwa n’abashakashatsi, iki cyorezo cyarimbuye abatabarika, ibice binyuranye by’ubushinwa biribagirana burundu kuburyo ibice by’imibiri yabo cyishe yagiye isangwa mubisigazwa by’amazu yasibanganye.

2. Icyorezo kitiriwe umujyi wa Athens

Iki cyorezo cyabayeho mumyaka 450 mbere ya Yesu, nyuma gato y’intambara hagati ya Athenes na Sparta. Abantu barenga 100 000 bakaba barahatakarije ubuzima mumyaka 5 cyamaze nyuma yo kuribwa umutwe bikomeye, kubyimba no gutukura amaso, kubyimba umuhogo, ururimi ndetse no kunanirwa guhumeka neza kubanduye iyi ndwara.

3. Icyorezo cya Antonio

Iki ni icyorezo cyabayeho i Roma hagati y’umwaka wa   165 kugeza 180 nyuma ya Yesu. Abanyamateka bavugako cyageze i Roma kizanywe n’ingabo za Roma ubwozagarukaga zivuye gutsinda intambara mubindi bihugu binyuranye.

Amateka akavugako abarenga Miliyoni 5 mubwami bw’Aba Romani bapfuye ndetse iyindwara ikaba intandaro yokurangira kw’igihe cyiswe icy’amahoro ya Roma  (27 mbere ya Yesu- 180 Nyuma ya Yesu)

4. Icyorezo cya Cyprian

Iki cyorezo cyabayeho muri 250-271 nyuma ya Yesu, kikaba cyaritiriwe mutagatifi Cypriane kuko yavugaga ko aricyo mperuka. Kikaba cyarishe abarenga 5 000 umunsi umwe mumugi wa Roma.

5. Icyorezo cya  Justinian

Iki cyorezo cyabayeho muri 541-542 kikaba cyaritiriwe Justinian umwami w’ubwami bwa Bizantine (uduce twarimo na Turukiya y’ubu) icyakora akaza kuyirokoka. Bivugwako iki cyorezo cyaje kuba intandaro yokugwa kw’ ubuwami. Abarenga 10% by’abari batuye isi bakaba baratakaje ubuzima.

6. Urupfu rw’umukara

Icyi ni icyorezo cyabayeho hagati y’imyaka ya 1446-1353, kikaba cyarakomotse muri Aziya kigafata uburayi aho binavugwako abarenga icyakabili   cy’abaturage b’uburayi icyogihe bapfuye.

7. Icyorezo Cocoliztili

Iki ni icyorezo cyabayeho hagati y’imyaka 1545 na 1548, kikaba cyarahitanye abarenga Miliyoni 15 mugihugu cya Mexico ndetse na Amerika yohagati.

Nkuko ubushakashatsi bwabigaragaje, iyi ndwara yatewe na Salmonella, imwe muri bagiteri zikomeje gutera isi ibibazo.

8. Icyorezo kitiriwe America

Iki ni icyorezo cyabayeho mukinyejana cya 16 kikaba cyarageze muri Amerika kijyanywe n’abanyaburayi bavugagako bagiye kuvumbura Amerika! Bikaba bivugwako abarenga 90% by’abasangwa butaka ba America bahitanywe n’iki cyago.

Iki cyago kandi kikaba cyarafashije cyane abanyaburayi kumaraho ubwami bwa Inca na Aztec nokwigarurira  America.

9. Icyorezo cya London (Londre)

Iki cyorezo kitiriwe umugi was London. cyabayeho mu mwaka wa 1665 kugeza 1666 Kungoma y’umwami Charles II, aho abasaga 100 000 bahitanywe n’iyi ndwara.

10. Icyorezo cya Marseille

Iki cyorezo kitiriwe imugi wa Marselle, cyabayeho mumyaka ya 1720-1723  aho ubwato bwari bwarashyizwe mukato muburasirazuba bwa mediterane bwinjiraga mumugi wa Marseille maze bukanduza abahatuye.

Mumyaka itatu abarenga 100 000 bari bamaze gupfa ndetse 30% by’abaturage ba Marselle baribagirana.

11. Icyorezo cy’Uburusiya (1770-1772)

Iki cyorezo nacyo  cyateye ibibazo byinshi mugihugu cy’uburusiya abarenga 100 000 babura ubuzima bwabo.

12. Yellow fever /Fievre jaune yitiriwe Philadelphia

Iyi ndwara yagaragaye mumwaka w’1793 aho abantu barenga 5 000 bishwe n’iyi ndwara muri uyu mugi arinawo wari umurwa mukuru wa Amerika icyo gihe. Kubera imyumvire itariyo y’aboyobozi bicyo gihe, abirabura bakomokaga muri Afurika nibo bahabwaga inshingano zokwita kubarwayi kuko bakekagako bo badafatwa n’iyi ndwara.

13. Icyorezo cy’ Ibicurane (Ku isi yose)

Iyindwara yabayeho mumyaka ya 1889-1890, irakwirakwira cyane aho byayitwaye gusa ibyumweru 5 mukwica abagera kuri Miliyoni nyamara ingendo z’indege zari zitaranabaho nkuko tuzibona ubu.

14. Icyorezo cya Polio y’abanyamerika

Aha hari mumwaka w’1916 ubwo iki cyorezo cyibasiraga abanyamerika bagera 27 000 ndetse ikanahitana abagera Ku 6 000 Biganjemo abana. Nubwo hari abayikize, abatari bakeya basigaranye ubumuga budakira.

Iyi ndwara yakomeje guca ibintu kugeza ubwo habonetse urukingo rwayo mu mwaka w’1954, ikaba iheruka kuvugwa cyane mumwaka w’1979 nubundi muri iki gihugu cya America.

15. Ibicurane bya Espanye

Iki ni icyorezo  cyabonetse mumwaka w’1918-1920 kigera kubantu bagera kuri Miliyoni 500 ndetse abagera kuri Miliyoni 100 batakaza ubuzima. Iyindwara ikaba yaratijwe umurindi n’ingendo z’abasilikare, imirire mibi ndetse n’ibihe bigoye byatewe n’intanbara yambere y’isi.

16. Ibicurane bya Aziya

Iki cyorezo cyahitanye abatari bakeya mumwaka w’1957-1958 ikaba yarakomotse mugihugu cy’ubushinwa, ikomoka kubigurika ikaba yarishe abarenga Miliyoni imwe ku isi yose harimo ibigumbi 116 byo muri Amerika gusa.

17. Icyorezo cya Sida

Iki cyorezo cyamenyekanye mumwaka w’1981 ariko nanubu kikaba gikomeje kwibasira abatari bake. Iki cyorezo kikaba cyaratewe na virus yitwa HIV ifite  inkomoko mubwoko bw’inguge ikaba yaraje kwinjira mumuntu mumwaka w’1920 muri Afurika y’iburengera zuba.

Kugeza uyumunsi, 64% by’abantu Miliyoni 40 z’ababana n’ubwandu bakaba babarizwa munsi y’ubutayu bwa Sahara.

Nubwo ntamuti cyangwa urukingo iyindwara irabona, guhera mumwaka w’1990, hariho imiti igabanya ubukana ndetse uwayifashe akaba ashobora kubaho ubuzima bwe busanzwe.

18. Ibicurane N1H1 

Iyindwara yajegeje isi mumyaka ya 2009-2010 yakomotse mugihugu cya Mexico ikwira isi yose, kuburyo abagera kuri Miliyari 1.4 banduye iki cyorezo ndetse 575 000 bicwa n’iki cyorezo nkuko byatangajwe n’ ikigo CDC .

19. Ebola y’Afurika y’uburengerazuba

Iki cyorezo cyaciye ibintu mumyaka ya 2014-2016 aho abantu 28,600 bafashwe nayo ndetse abagera kubihumbi 11,325 bitaba Imana.

Umurwayi wambere akaba yarabonetse mugihugu cya Guinea mbere yuko ikwirakwira mubihugu binyuranye bya Afurika ndetse na America.

Icyakora bikaba bivugwako iyindwara yari yarigeze kugaragara muri Congo mumwaka w’1976

20. Virusi ya ZIKA

Iki ni icyorezo giheruka kugaragara mumwaka w’2015 kugeza ubu, mubihugu bya Amerika yohagati ndetse na Amerika yepfo.

Nubwo iki cyorezo kitareba muri rusange abantu bakuru cyangwa abana bamaze kuvuka, gishobora gufata abana bakiri munda kikangiza ingingo zabo zitandukanye bakavukana ubumuga.