Nkuko amakuru arimo gucicikana muri siporo yo mu Rwanda, biravugwa ko Ivan Minnaert wahoze atoza ikipe ya Rayon Sports yamaze kugirana ibiganiro byihariye n’iyi ekipe bijyanye n’ubwishyu bw’ideni bamufitiye ndetse nukuntu ashobora kuyigarukamo bidatinze.
Ibinyujije kurukuta rwayo rwa Twitter, Rayon sport yatangaje ko ikibazo bari bafitanye na Ivan Minnaert cyarangije gukemuka, babihamishije ifoto nshya y’umubano mwiza hagatiya Perezida wa Rayon n’uyu Minnaert wahoze ayitoza.
Rayon Sports kandi yagize iti “Turashaka kwemeza abantu bose ko Rayon Sports yumvikanye na Ivan Minnaert kubyerekeye kwishyurwa. Ibirenze ibyo bizakorwa mu ibanga!”
Ibi byose birimo kuba mugihe mu minsi ishize FERWAFA yariyafatiye Rayon ibihano birimo kuyifungira isoko ry’igura n’igurisha ry’abakinnyi bitewe n’igihe cyose yari imaze itarishyura Minnaert agera kubihumbi 14000 by’amadorari y’Amerika nyuma yuko bamwirukanye bidakurikije amategeko.
Minnaert ashobora kugaruka gutoza Rayon Sports mugihe cya vuba!
Amakuru dukesha inshuti zahafi za Rayon atubwirako ibiganiro perezida wa Rayon Munyakazi Sadate yagiranye na Ivan Minnaert bigaragaza ko uyu mutoza agiye guhabwa akazi nanone nyuma y’uko Sadate yibutse imirimo ye ndetse n’ubuhanga bwe birimo kuba Minnaert yaragejeje Rayon muri kimwe cya kane (1/4) cya ‘CAF Confederation Cup’ muri 2017-2018.
