Umukinnyi wa Juventus Cristiano Ronaldo ari gukurikiranwa n’amategeko yo mu gihugu cy’ubutaliyani kubera kurenga ku mategeko agenga Coronavirus, hari kumunsi w’amavuko w’umugore we.
Ibi byabaye ubwo yagiraga urugendo ava mu ntara ya Piedmont ajya Valle d’Aosta ubwo yajyaga kwizihiza isabukuru y’umugore we ndetse n’umuryango we.
Amafoto yabo yaje kugaragara kumbuga nkoranyambaga z’umugore we gusa nyuma byaje gukomera ahitamo kuyasiba gusa ababishinzwe bo bari barangije kubibona.
Abapolisi b’i Valle d’Aosta bavuga ko bakomeje iperereza kuri ibi byamamare kandi bahamije ko ibi byaha nibibahama bagomba kuzahanwa nk’abandi bose.
Amategeko ngenderwako yo mu Butaliyani ntiyemera ingendo ziva cyangwa se zijya muturere turimo icyi cyorezo cyinshi, keretse ku mpamvu z’akazi kihutirwa cyangwa se umuntu atashye murugo iwe, gusa Cristiano we yabirenzeho akaba ari nayo mpamvu agiye kubihanirwa n’amategeko.
