Rutahizamu ukomoka muri Arijantine Gonzalo Higuain yavuye muri nyampinga w’Ubutaliyani Juventus nyuma y’uko amasezerano ye aseswa kandi biteganijwe ko azinjira mu ikipe ya Inter Miami ya David Beckham muri Amerika.
Uyu mukinyi wimyaka 32 yinjiye muri Juve mu mwaka wa 2016 ndetse bivugwa ko yaguzwe Milliyoni 75 z’amapound.Muri icyo gihe yaguriwemo niwe wari umukinnyi wari uwa 3 wari uhenze cyane kurusha abandi kw’isi.
Ku wa kane, umuyobozi wa Inter Miami, Diego Alonso, yatangaje ko Higuain “arangiza imishyikirano” n’ikipe ya MLS.
Mu cyumweru gishize Higuain yakiriwe ku kibuga cy’indege cya Miami na Jorge Mas, umwe mu bafatanyabikorwa bane hamwe na Beckham wahoze ari kapiteni w’Ubwongereza.
Higuain wahoze akinira Real Madrid yatsinze ibitego 66 mu mikino 149 – gusa nyuma yo kuva muri Real ntabwo yigeze atanga umusaruro yari yitezweho.
Mu kwezi gushize, umutoza mushya wa Juventus, Andrea Pirlo, yatangaje ko Higuain vuba aha azajya mu ikipe ya Turin nkuko we yabicyekaga.
Umukinnyi wahoze akinira hagati mu Butaliyani Pirlo ati: ” Higuain ni umukinnyi mwiza kandi ukomeye cyane ariko mu kwezi gushize twabashije kuganira nawe dusanga bikwiriye ko dutandukana, gusa ndamushima cyane”
Twandikire muri Comment ku kibazo, icyifuzo cyangwa se inyunganizi waba ufite kuri iyi nkuru unayisangize abakunzi ba ruhago.
