Kuri uyu wa gatatu, Luis Suarez yavuze amakuru ashobora kuba ari ibinyoma kubera ko ejo hazaza he hataramenyekana mu gihe havugwa ko ashobora kwerekeza muri ekipe ya Juventus.
Umutoza mushya wa Barcelona, Ronald Koeman, ngo yabwiye Suarez ko ari kubona ko Suarez ashobora kuva muri iyi kipe, ibi bikaba bitashimishije inshuti ye magara bakinana muri Barca ariwe Lionel Messi.
Suarez yifujwe n’ama ekipe menshi cyane atandukanye harimo nka Ajax na Inter Miami ndetse n’izindi ariko amakuru aturuka munshuti ze za hafi ni ayuko uyu Suarez ashobora kwerekeza muri nyampinga wa Serie A ari naho kizigenza CR7 yibereye.
Ariko umunya Uruguay Luis Suarez yashyize ahagaragara ubutumwa bwumvikana kurukuta rwe rwa Instagram ubwo yakomezaga kwitoza hamwe na Barca.
Ubwo butumwa bukaba bwari bugizwe n’ ifoto ye aseka cyane ndetse na imoji (agashushanyo) isebanya iruhande rwayo, akomeza yandika mo n’amagambo agira ati: “Iyo amakuru y’ibinyoma asohotse …”
Twibukiranye ko Suarez ari uwa gatatu kurutonde rwabatsinze ibitego byinshi muri Barca agakurikirana na Messi ndetse na Cesar uri kumwanya wa kabiri.
Twandikire muri comment ku kibazo, icyifuzo cyangwa se inyunganizi waba ufite kuri iyi nkuru unayisangize abandi bakunzi ba ruhago.
