Nk’uko byatangajwe muri Arijantine, Diego Armando Maradona yitabye Imana afite imyaka 60. Uwahoze ari umustar wa Barcelona na Napoli yahuye n’indwara y’umutima imufatira iwe mu gace ka San Andres mu mujyi wa Tigre mu gitondo cyo kuri uyu wa gatatu.
Aya makuru yatangajwe bwa mbere n’ikinyamakuru cyo muri Arijantine cya Clarin, kivuga ko Maradona yari atuye muri kariya gace kuva yabagwa mu bwonko bwe. Yizihije isabukuru y’imyaka 60 y’amavuko ku ya 30 Ukwakira, mu gihe kitarenze ukwezi, na nyuma yo kubagwa, byagenze neza , Maradona yavuye mu bitaro.
Kuva mu bitaro yagiye iwe i Tigre kugira ngo akomeze gukira buhoro buhoro. Kandi yari yafashe ikiruhuko cy’izabukuru mu mupira w’amaguru, Maradona yagize ibibazo bitandukanye by’ubuzima.Mu mwaka wa 2000,.
Muri 2004, yagize ikibazo cy’umutima cyatewe n’indwara y’ibihaha yivuriza muri ICU i Buenos Aires. Mu 2005, yagiye mu ivuriro ryo muri Kolombiya kugira ngo agabanye ibiro bye mu gihe cy’umwaka. Mu 2007, yajyanywe mu ivuriro ry’i Buenos Aires kubera indishyi z’umubiri zatewe n’inzoga n’imirire ye maze bamusangana indwara ya hepatite ikaze.
Muri 2012, yagombaga kubagwa impyiko i Dubai. Muri 2015, yagize ihinduka rya gastric bypass nibwo yatangiye kugira ubwoba bw’ubuzima bwe kugeza muri 2020, birababaje kuba atashoboye gukira. Maradona yafashije Arijantine gutwara igikombe cy’isi cyo mu 1986 twavuga ko aricyo kintu gikomeye yagezeho mu mwuga we, mu gihe kandi yazanye ibikombe bibiri bya Serie A yitiriwe Napoli. Igihe yamaranye na Barcelona muri Espagne, yatsindiye Copa del Rey, Copa de la Liga na Supercopa de Espana mu 1983.
Uyu mugabo uzwi ku izina rya ‘Dios’ yavukiye i Lanus mu 1960 kandi ni umwe mubaciye umugani mumupira w’amaguru ku isi. Ubuzima bwa Maradona bwarushijeho kuba bubi mu masaha ashize bituma yitaba Imana. Arijantine hamwe n’isi yose y’umupira w’amaguru biraririra umwe mubakomeye bakinnye umupira w’amaguru.
Twandikire muri Comment ku kibazo, icyifuzo cyangwa se inyunganizi waba ufite ku makuru tukugejejeho hejuru, yasangize inshuti n’abavandimwe.
