Cristiano Ronaldo yahawe igihembo cya Golden Football 2020, gitangwa na World Champions Club ku bakinnyi barengeje imyaka 28 bakoze ibidasanzwe mu mwuga wabo w’umupira w’amaguru.
Uyu mukinyi wimyaka 35 yamenyeshejwe ko ariwe wegukanye iki gihembo muri 2020 ku ya 1 Ukuboza, gusa kuri ubu nibwo yakiriye igikombe cye.
Cristiano yanditse kuri Instagram ye inyandiko yari iherekeje ifoto ye ateruye igikombe mu magambo agira at:
“Nishimiye gutsinda @goldenfootofficial ni igikombe kidatwarwa n’umuntu ubonetse wese, nshishijwe bugufi no gushimira abafana banjye bari ku isi yose kuba barantoye.”
Ni ku nshuro ya 18 iki gihembo cya Golden Foot Award gitanzwe, Cristiano abaye umukinnyi wa mbere wa Porutugali wegukanye iki gihembo.
Mu majwi ya nyuma, umukinnyi wa Juventus Cristiano yatsinze bagenzi be bari bahataniye iki gihembo nka Lionel Messi, Robert Lewandowski, Giorgio Chiellini, Neymar, Sergio Ramos, Sergio Aguero, Gerard Pique, Mohamed Salah na Arturo Vidal.
Dore urutonde rw’abakinnyi batwaye iki gihembo inshuro 17 ziheruka:
- Roberto Baggio (2003)
- Pavel Nevded (2004)
- Andriy Shevchenko (2005)
- Ronaldo Nazario (2006)
- Alessandro Del Piero (2007)
- Roberto Carlos (2008)
- Ronaldinho (2009)
- Francesco Totti (2010)
- Ryan Giggs (2011)
- Zlatan Ibrahimovic (2012)
- Didier Drogba (2013)
- Andres Iniesta (2014)
- Samuel Eto’o (2015)
- Gianluigi Buffon (2016))
- Iker Casillas (2017)
- Edinson Cavani (2018)
- Luka Modric (2019)
Komeza ubane natwe mu makuru atandukanye tukugezaho kandi ntiwibagirwe kuyasangiza inshuti n’abavandimwe.
