Mu bihe byashize, bamwe mu bakinnyi b’ikipe ya Barcelona bagiye batoranwa kugirango bagaragare kw’ibendera rinini rya vinyl – 47.7 m x 9,6m – rimanitse ku rukuta rwa Camp Nou.
Abakinnyi batoranijwe kuva 2019/20 baje guhinduka muri uyu mwaka w’imikino tugiyemo wa 2020/21. Ubu rero batanu batoranyijwe mu mwaka utaha ni Lionel Messi, Gerard Pique, Frenkie de Jong, Marc-Andre ter Stegen na Antoine Griezmann.
Iri bendera ryiswe ‘The Big Picture’ kandi ryateguwe ku bufatanye n’umuterankunga w’iyi kipe Rakuten unasobanura ko iri bendera ari rinini cyane rifite metero zisaga 250 z’uburebure.
Umuyobozi ushinzwe imenyekanisha (marketing) ku isi muri Rakuten, Rahul Kadavakolu yabisobanuye neza agira ati:
“Twiyemeje gutanga ubunararibonye bw’abafana ku rwego rw’isi dukoresha uburyo butandukanye harimo no guhanga udushya.Ati kandi Ubu ni uburyo bwo kuzana abafana ba Barcelona ku isi hose mu rugo rw’ikipe mu gihe abafana benshi badashobora kwitabira imikino yose nk’uko bikwiriye. Bwana Rahul yanavuzeko muguhuza ikoranabuhanga no gukunda siporo dushobora kurenga imipaka n’izindi nzitizi mu buryo butangaje rwose.”
