Barcelona yasohoye itangazo ryemeza ko babiri mu bakozi bayo bafatanya na Ronald Koeman gutoza basanzwemo icyorezo cya coronavirus.
Kubera iyo mpamvu, imyitozo yo ku wa kabiri yasubitswe mu rwego rwo kwirinda, ndetse n’ikiganiro n’abanyamakuru Koeman yari afite mbere y’umukino wa Barcelona cyahagaritswe,
“Nyuma y’ibizamini bya PCR byakozwe uyu wa mbere, abakozi babiri b’ikipe ya Barca byagaragaye ko bamaze kwandura Covid-19”, nk’uko byatangajwe ku rubuga rwemewe rwa Barcelona, ibi byateye ubwoba cyane abakozi bose hamwe ko hashobora no kwandura abandi uko amasaha agenda ashira.
Iyi kipe yamenyesheje inzego z’imikino n’izubuzima bireba. Byongeye kandi, itsinda ryose rirakomeza kwipimisha PCR mu gitondo cyo kuri uyu wa kabiri.
Komeza ubane natwe mu makuru tukugezaho kandi ntiwibagirwe kuyasangiza abawe.
