Sergio Ramos yashimangiye ko Haaland akenewe na Real cyane kurusha Mbappe!
Kapiteni wa Real Madrid Serigio Ramos yatangaje ko byoroshye kuzana Erling Haaland wa Borussia Dortmund aho kuzana umukinnyi wa Paris Saint-Germain Kylian Mbappe.
Mbappe kuva kera yamenyeshejwe ko akenewe cyane na Real ariko yagiye agaragaza ko agifite umutima wa PSG.
Uyu Haaland ushakishwa ni umukinnyi ukenewe n’ama ekipe atandukanye nka Barcelona, PSG, Manchester United, Manchester City, Chelsea, Liverpool na Juventus – ibi biri kuba nyuma yaho akoreye ibitangaza muri Dortmund yaba muri Bundesliga na Champions League.
Ramos yumva Haaland ari amahitamo afatika kuri Madrid bitewe nubukungu bwatewe nicyorezo cya coronavirus, mugihe ikipe ya PSG nayo ikomeje kugerageza kongera gusinyisha rutahizamu Mbappe.
Ibinyamakuru byinshi byatangaje ko impamvu izi ekipe ziri gutinya Mbappe aruko ahenze cyane Kandi nyinshi murizo ziri mu bibazo by’ubukungu byatewe na Covid-19.
