Nyuma y’igihe kinini amakipe menshi adakina atanakora imyitozo kubera icyorezo cya Covid-19, ubu Rayon Sports nayo yatangaje igihe abakinnyi bayo bazatangirira imyitozo!
Ibi byatangajwe mugihe habura ukwezi kumwe gusa n’iminsi 5 kugirango umwaka utaha w’imikino utangire. Amakipe yose yo mu Rwanda akaba yarahawe itangazo ryo gupimisha abakinnyi bayo ndetse n’abakozi ariko Rayon Sports ikaba yari itarakabirangiza.
Umuyobozi mushya wa Rayon Sports nyuma yo guhabwa ububasha bwa burundu yatangaje ko bitarenze taliki 2 ugushyingo imyitozo igomba kuba yatangiye kandi bikaba biteganyijwe ko kuri uyu wa Gatandatu mu masaha y’umugoroba, Rayon Sports igomba gupimisha abakozi bayo icyorezo cya COVID-19.
N’ubwo iyi kipe izajya mu mwiherero ku wa Mbere, izatangira imyitozo idafite umutoza wayo mukuru Guy Bukasa wagiye mu ikipe y’Igihugu ya Repubulika Iharanira Demokarasi ya Congo, aho iyi kipe nayo iri mu irushanwa ryo gushaka itike yo kujya mu gikombe cy’Afurika cya 2022.
