Itangazo ry’Imikoranire mu Gucunga Amavuriro agera kuri 40 y’Ibanze :Society for Family Health(SFH) : | Deadline: 05-09-2023

ITANGAZO RY’IMIKORANIRE MU GUCUNGA AMAVURIRO Y’IBANZE

Ubuyobozi bwa Society for Family Health (SFH)/ Rwanda bufatanyije n’Uturere tugaragara ku mugereka (see list attached), buramenyesha abaforomo, ababyaza, na ba clinical officers bo ku rwego rwa A1/A0 babishaka kandi babifitiye ubushobozi ko hari amavuriro y’ibanze yo ku rwego rwa kabiri (Second Generation Health Posts) bushaka guha abikorera muri gahunda ya Public Private Community Partnership Model (PPCP).

Abashaka aya mavuriro y’ ibanze yo ku rwego rwa kabiri (amavuriro yita ku babyeyi kandi akanabyaza: maternity services, atanga ubuvuzi bw’ indwara z’amenyo no mu kanwa: dental services n’ ubuvuzi bw’ indwara z’amaso: ophtalmology services) bagomba kuba bujuje ibi bikurikira:

• Kuba ari umunyarwanda;
• Kuba afite impamyabumenyi nibura yo ku rwego rwa A1;
• Kuba afite icyemezo cyo gukora uwo umwuga (licence to practice);
• Kuba afite uburambe mu kazi nibura bw’imyaka 3 bugaragazwa n’icyemezo cy’umukoresha wa nyuma kandi akaba nta handi akora mu Ivuriro rya Leta;
• Agomba kuba afite ubushobozi bwo gutanga akazi ku bakozi bakurikira: umuforomo (1), umubyaza (1) n’umukozi upima ibizami bya Laboratwari (1).

Ku mavuriro atanga ubuvuzi bw’ indwara z’amenyo no mu kanwa (dental service) n’ ubuvuzi bw’ indwara z’amaso (ophtamology services); agomba kuba afite ubushobozi bwo guha akazi umuganga (1) uvura indwara z’amenyo no mukanwa (dental therapist) n’umuganga (1) uvura indwara z’amaso (ophthalmology technician);

• Agomba kuba afite ubumenyi buhagije mu gukoresha mudasobwa;
• Kuba yiteguye kuzacunga neza ivuriro, no gushaka abakozi bose bakenewe bavuzwe haruguru;
• Agomba kuba afite nibura amafaranga miliyoni eshatu (3,000,000Frw) yo kumufasha gutangiza ibikorwa by’ubuvuzi.

Amavuriro apiganirwa ni agaragara ku mugereka ukurikira.

Abujuje ibisabwa kandi babyifuza, barasabwa kohereza ibi bikurikira kuri email ya SFH Rwanda ya hr@sfhrwanda.org bitarenze tariki 05/09/2023 saa kumi n’imwe z’umugoroba (17H00):

• Ibaruwa yandikiwe Umuyobozi Mukuru wa SFH igaragaza urwego rw’Ivuriro ry’ibanze ryo ku rwego rwa Kabiri asaba gukoreraho.
• Umwirondoro (CV).
• Fotokopi ya diplome.
• Fotokopi y’indangamuntu.
• Fotokopi y’icyangombwa (licence) kimwemerera gukora umwuga w’ubuvuzi gitangwa n’Urugaga rwemewe mu Rwanda.
• Icyemezo cy’umukoresha/abakoresha kigaragaza uburambe mu kazi.
• Icyemezo cy’ umukoresha wa nyuma.
• Urupapuro rutangwa na Banki rugaragaza ko afite nibura miliyoni eshatu kuri konti ye (3,000,000 Frw).

Icyitonderwa: Nyuma yo gusuzuma ubusabe, abo bizagaragara ko bujuje ibisabwa nibo bazahamagarwa.

Bikorewe i …Kigali……. ku wa 28/08/2023

Manasseh GIHANA WANDERA

Umuyobozi Mukuru wa Society for Family Health (SFH) Rwanda

 Annex 1: Urutonde rw’aho amavuriro y’ibanze asabirwa imikoranire aherereyemo

Click here to visit the website source