Nkuko byatangajwe n’ikinyamakuru theglobeandmail.com, Carla Sapon akaba n’umwungiriza w’iki cyamamare mumafilime yemeje ko Fleming yitabye Imana ku wa gatatu i Santa Monica, muri Californiya.
Uyu mukinnyi Yakinnye muri firime zitandukanye nka Spellbound (1945) na Gunfight kuri OK Corral (1957), akina na Mary Carmichael na Laura Denbow, zikaba ari film zagiye zimenyekana ndetse zikubaka izina rya Hollywood.
Bitewe n’umwuga we wakunzwe, Fleming yamenyekanye nk’umwe mu bakinnyi ba filime bakomeye bo mu gihe cye.
Fleming amaze gukurira i Los Angeles nk’umukobwa w’umunyamideli akaba n’umukinnyi w’amafirime, yakurikije inzira ya nyina maze akora umwuga wo gukina ama Filime.
Zimwe mu zindi filime yakunzwemo cyane ni izo yakinnye mu myaka ya za 1940 na 1950 zirimo Out of the Past (1947), Yankee ya Connecticut mu rukiko rwa King Arthur (1948), Muri Sleeping city mu (1956) ndetse na Gunfight kuri O.K. Korali (1957).
Mu myaka ya za 1960, yahimbye kandi ashyiraho tereviziyo ye, kandi Fleming yagaragaye no kuri Broadway ndetse no mubitaramo byabereye i Las Vegas.
Hanze y’ubuhanzi, Fleming yakoranye n’abagiraneza batandukanye maze afungura ivuriro rya Rhonda Fleming Mann Clinic ishinzwe ubuvuzi rusange bw’abagore ku kigo nderabuzima cya UCLA.
Fleming yashakanye n’abagabo batandukanye, nka Tom Lane hagati ya 1940 na 1942, Dr. Lewis Morrill hagati ya 1952 na 1954, Lang Jeffries hagati ya 1960 na 1962,Hall Bartlett hagati ya 1966 na 1972, Ted Mann hagati ya 1977 na 2001 na Darol Carlson hagati ya 2003 na 2017. Bane ba mbere barangije gutandukana naho babiri ba nyuma byarangiye batandukanijwe n’urupfu.
Fleming akaba yaraguye mu kigo nderabuzima cya Saint John muri Santa Monica
